sploot dog-walker FAQs

1. How to enroll

Sabse pehle aapko sploot partner app download karni hai. App par apni jaankaari daalne ke baad aapko training complete karni hogi. Sploot team se verification complete hone par aapko walks assign hona shuru hojayega.

2. Earning

Har mahine ki 5 tareek ko aapki salary (aur bonus) aapke bank account me credit kar diya jayega. Aap mahine ke Rs. 12,000 se Rs. 25,000 tak kama sakte hain is job ke saath.

3. Timing

Sploot dog walking ki 2 shifts hain. Aap koi bhi ek yaan dono select kar sakte hain. Jitni zyaada walks aap karwayenge, aapko utne paise banenge.

Morning shift: 6AM to 10AM

Evening shift: 4PM to 10PM

4. Bonus

Aapko bonus teen cheezon keliye diya jayega. 100% on-time walks, 100% attendance aur customer rating > 4.5

5. Training

Aapko walks ki eligibility keliye dono online aur offline training attend karke qualify karna hoga. Training me aapko service ke baare me, dog behaviour, customer interaction aur sploot SOPs ke baare me bataya jayega. Saath me aapko kit + uniform bhi di jayegi. 

6. Training batch dates

Offline training ki date city wise hoti hain. Latest dates keliye app/whatsapp groups regularly check karen. 

7. Registration fee

Sploot me dog walker ki job keliye registration ki koi fees nahi hai abhi. 

8. Job description

Dog walker ki job me aapko subah aur shaam customer ke dog ko sahi tareeke se sair karwaani hogi. Is job ki training sploot aapko dega. Walks aapko apne area ke 5 km ke andar milengi. 2 wheeler hone se aapka travel karna asaan hojayega. 

9. Eligibility

Eligible hone ke liye aapko har tareeke ke dogs se lagaav hona zaroori hai. Agar aapko dogs se dar lagta hai toh ye job aapke liye sahi nahi hai. Iske saath hee bike/scooty/cycle hona zaroori hai.

10. Location

Sploot dog walking service abhi Delhi, Gurgaon, Noida, Ghaziabad aur Faridabad me live hai. 

11. Kit + uniform

Sploot ki taraf se aapki ek kit aur uniform di jayegi jo aapko roz customer ki walks par leke jaana hai. 

12. Walker support

Kisi bhi samasya me sploot ka partner support aur area managers aapki madad karenge. Aap inhe apni walk ke dauraan, usse pehle aur usko baad call/message kar sakte hain.

13. Referral bonus

Naya customer refer karne par aapko Rs. 1000 bonus milega. Agar aap naya walker refer karte hain toh unke 2 mahine poore hone par aapko Rs. 1000 bonus diya jayega. 

14. Verification

Application aur training ke baad sploot team ko verification me 24-72 hours ka samay lag sakta hai.